احنا جيل هايف ولاجيل مظلوم؟؟

احنا جيل هايف؟؟ و لا جيل مظلوم؟؟

أريد ان اعرف رأيك هــل نحن جيـــل هايـــــــف ...

طبعا العنوان مستفز بس دة الواقع
و دة اللى بيتقال على الجيل دة
اللى احنا جزء منة
و فية كتير مننا شايفين
ان الجملة دى صحيحة
و تنطبق على الكثير
و لكن اسمحولى
أخدكم معايا
زى رحلة
طويلة شوية
لننظر سويا الى الجملة
بنظرة اعمق و اشمل
بمعنى اصح
نشوف الاسباب
و الجو المحيط
بهذا الجيل
و الذى نشأ و ترعرع فيه

(أولا)
الحكومة العامل الأساسى
فى تنظيم المجتمع
و تلبيه احتياجاتة
و طبعا الحكومة غنية عن التعريف
اهتمت
بأن تضيق على الشعب
ماديا و فى كل شئ
فاصبحت المرتبات قليلة جدا
و الاسعار اصبحت فى علو مستمر
و امور كتيييييير انتم فى غنى عن سماعها
و معروفة

(ثانيا)الاسرة
عماد المجتمع
و العامل الأساسى
فى تكوين
شخصية و فكر الفرد
اصبح الزوج او الاب
مشغول بجمع المال و العمل
فى مجتمع صعب العيش فيه
حول اشخاص يشعرون
بفقد قيمتهم و كونهم بشر
الام
اصبحت مشغولة إما
بالعمل و جمع المال مع زوجها
او العمل فى البيت و ترك مجال العمل
و لكنها نست ان هناك تغير مستمر فى المجتمع
و تقدم
فاصبح هناك حاجز كبير بين تفكيرها و تفكير اولادها
و زوجها ايضا
و يسلام بقى على الامهات
اللى بتشجع
بناتها
على اللبس الجرئ
او انها اما تعجب بواحد
ممكن تحبة و تمشى معاة و تكلمة
خوفا عليها
(عارفين طبعا ليه)
و الاب مش مشكلة دورة
او الأخ
فأين الأولاد من كل ذلك؟

(ثالثا)المدرسة
طبعا الطالب
بيدخل المدرسة و لدية نظرة تقدير و إحترام
لمدرس
يبدأ يجد ان لا اهمية له
فكل ما يشغلة جمع المال
و ان يقرأ الجرائد او يأكل فى الحصة
فصورة المدرس
تهتز لدى الطالب
و طبعا الطالب التى نشأتة غير سليمة
او غير سوية
بيستخدم اسلوب عدم الحياء
و بالتالى بيخرج
الطالب من هذة المرحلة
ليس على درجة عاليه
من العلم
المفروض نكون عليه
و يفتقد الكثير
الجامعة
المفروض الطالب
خلال الجامعة
يكون ملم و يجد
من ينمى عندة موهبة الإبتكار
او انة ازاى يتخرج من مجاله
و هو فاهم بيعمل اية
و طبعا كلكم خريجين جامعات" او لسه ان شاء الله "
و عارفين اللى بيحصل
فى كل جامعة على حدا

(رابعا)مجال الحياة
يبدأ الشخص
يتخرج من الجامعة
لدية أحلام و أمال كثيرة
منها الاحلام الطموحة جدا
و منها المتوسطة
فيسعى لتحقيقها
و لكنة يصطدم بالواقع
الأليم
منها الكوسة و منها الرشوة
و منها عدم احترام أدميتة التى اصبحت منتشرة بشكل
ينرفز بجد
و غيرها
و طبعا اللى مجربش بيسمع
و بالتالى بيحدث عنة حالة من اليأس
او الخمول
او الخوف
بعد كل دة
عايزينا جيل عامل ازاى
فعذرا
نحن لسنا جيل هايف او ملهوش لزمة
نحن جيل مظلوووووووووووووووووووم

السلام عليكم ورحمه الله وبركاته
والله هو العنوان مش مستفز
هو واقع
وفعلا بيتقال كتييير
وحضرتك جبتي الموضوع من الاول
ابتديتي من الحكومه

مع اني شايف ان المواطن المصري لسه شايف ان الحكومه المفروض تكون الاب والام
وده عمليا انتهي وهو لسه مش مستوعب ده

وطبعا رحلتك دي استوعبت كل المراحل والشرايح اللي بنمر بيها
لكن انا مش من مؤيدي اني القي اللوم علي كل الطوائف دي
وادعي اننا جيل مظلوم
احنا اكيد مظلومين
لكن ساعت بنبقي ظلمه
واللي بنظلمه نفسنا

اكيد التداخل بين الضغط ده والرغبه اللي عندنا في الاصلاح
بتخلي فيه التخبط اللي يخلي كله يقول علينا جيل هايف

لكن احنا مظلومين في مجتمع الظلم فيه ليس اختياريا

نايس توبيك

مشكوره علي الموضوع الجامد ده

السلام عليكم
الاول وقبل اي حاجة موضوع جامد وعاجبني قوي
بس الحقيقة احنا لا هايفين ولا مظلومين
احنا ظالمين
ظالمنا اللي حولينا لما لما كانو بيعملو الغلط ادام عنينا واحنا عارفين انه غلط بس ولا كأننا شايفين حاجه
ظلمنا نفسنا لما كل واحد فينا حلم بحلم اكبر منه طاقته حبتين
المهم لما بتجلنا الفرصه اننا نغير مبنفكرش بعقلنا علشان نغير من نفسنا
بنفكر بعقل الناس اللي عايزانه منفكرش

مش هايفين ، ولكن ممكن مظلومين إذا قلنا أنه ليس لدينا وعي كاف ،
ولكن على الأقل لدينا الوعي أو جزء منه لإدراك ماحولنا

نلوم من حولنا ، وحولنا أنفسنا

Subject: هايفين بس مش أوى Wed Jan 14, 2009 10:20 am

والله انا شايف ان الجيل اللى موجود حاليا فيه مهه هايف وفيه من مش هايف
موجود شباب عاقل وملتزم وهم قليل ... وطبعا فيه كتير هايف
وياريت احنا مش كل حاجه نرميها على اللى حوالينا الجيل اللى قبلنا وجد فى ظروف مش زى بتاعتنا واحنا ظروفنا احسن منهم بس احنا اللى بنختار الهيافه
الاب مثلا يعطى لابنه فلوس علشان يشترى اى حاجه مثلا هدوم
شوف بقى نوعية الهدوم اللى بيشتريها واضرب على كده امثله كتير فى بقية الحاجات
انا انفسى نكون جيل مستقل مش اى حاجه بره يبعتوها لينا نخدها ونقلدهم
احنا مسلمين وبتحكمنا عادات اسلامية مش لازم نفرط فيها
اخر حاجه عاوز انوه عليها ياريت القسم ده يكون فعلا للتغيير حتى على الافراد المشتركين بس مش مجرد ان احنا نتكلم وبس
وشكرا

محمودالعسيلى wrote:: والله انا شايف ان الجيل اللى موجود حاليا فيه مهه هايف وفيه من مش هايف
موجود شباب عاقل وملتزم وهم قليل ... وطبعا فيه كتير هايف

................................

اخر حاجه عاوز انوه عليها ياريت القسم ده يكون فعلا للتغيير حتى على الافراد المشتركين بس مش مجرد ان احنا نتكلم وبس
وشكرا

كلام كويس وجميل بس هو اخر كلمتين معجبونيش
اه دي حاجة كويسه اننا منتكلمش بس المهم العمل
مع ان في الوقت الحالي القلم أقوي من المدفع

**********

القسم ده معمول للكلام علشان احنا نتعلم ازاي نتكلم
ازاي نرد علي من تسول له نفسه ان يمسنا بالكلام

القسم ده معمول علشان نتعلم العلام اللي كان لازم نتعلمه في المدرسه ؛ اننا نتكلم ومنخفش من حاجة

و لاحظ سيدي الفاضل ان كل الناس اللي بتؤمن بالاسلام بيكون نتيجة للسان الداعي الفاهم المتدرب علي الكلام
وأشهر مثال علي كده الاستاذ / أحمد ديدات
...................................سلام

فيـ البداية
السلامـ عليكمـ ورحمة اللهـ وبركاتهـ
انا هقولـ راايـ
بسـ الاولـ احبـ اقولـ
:lol!: موضوعـ جميلـ جدا ياسارة ومتوقعتوشـ منكـ
ههههههههههههههه
الموضوعـ فعلا يستحقـ النقاشـ
:o هقولـ باه راييـ
:!: احنا لا جيلـ هايفـ ولا جيلـ مظلومـ
:pale: احنا جيلـ كسلانــ ومغرور وكمانـ جاهلــ
كسلانـ
:sleep: لانهـ منتظر دايما الحلـ يجيـ لحد عندهـ
مشـ هو اللي بيسعى ليهـ
ومغرور
:king: لانه شايفـ انه احسنـ منـ الجميعـ بتصرفاتهـ الغبية
ولو كانتـ مفيدة فانها بسيطة
وجاهلـ
:albino: لانهـ بيتبعـ غيرهـ بدونـ اي تفكير في الصحـ والغلطـ
لحد امتة؟؟؟

اللهـ اعلى واعلم
بسـ موضوعت الحكومة والاسرة والكلام اللي مش بيجيب اخرهـ ده مجرد شماعة بنعلقت عليها ثوبـ الفشلـ
عشانـ نخبي تكاسلنا
وعدمـ قدرتنا على التوبـ رغمـ الهوى :x
كلـ اللي احنا بنعمله
مستنيينـ الفرجـ
معـ اننا عارفينـ انه مشـ هيجي غير بايدينا وتعبنا
بس هنقولت اية
احنا كدة
GOOD CASE
:flower: :flower:

نحن الاثنين معا
هايفين.......لأننا فقدنا معنى الانتماء

الانتماء لفكرة...لعمل...لمشروع....لحلم

وقتنا يضيع سدى........وطاقتنا معظمها مستهلة فى لاشىء

ومظلموين....لأننا من صغرنا لم ننسأ تلك التربية القويمة

ونستطيع ان نقول اان آبائنا فشلوا ان يربونا كما رباهم آبائهم

لذا علي كل واحد منا ان يصنع شخصيته بنفسة...ززويضعها فى قالب معين وله معنى

وهنا تكمن الصعوبة......وهنا نتوه فى محاولاتنا

لكننا ان صبرنا على التعب.....سنصل الى انفسنا

وحينها لن نكون..هايفين او مضلومين

ولكن جيل صنع نفسه.......بنفسه

أحيييكى سارة على طرح هذه الفكرة الشائكة للنقاش

الموضوع اكتر من رااااااااائع
وشرف ليا انى اشوف
كل الردود الجميله دى
المهم

احنا عارفين كويس ان كل بنى ادم بيخضع لحاجات كتيره جدا
لتبنى شخصيته
فمينفعش اطلاقا نحكم على الجيل بانه فاااااشل
او ناجح
لان من الطبيعى
يكون ف الناجح وف الفاشل
او الهايف يعنى

لان طبعا ماعاد في لاتوعيه ولاتشجيع ولاتوجيه
فكل العوامل مسخره لطريق الهيافه
الا من رحم ربنا
بس بردو ف توازن
بين العاقل والهايف بنسبه
50%
للاتنين
عشان يكون ف توازن
والامكناش هنعيش
ومكنش العاقل اصلا هيرعف الفرق بين الهيافه والتفكير
لانه مشافش
ومااخترش الاحسن

شكرا
أسـيـ صـمـت ـرة الـبحـر
علي الرد الجميل ده
فعلا هو ربنا مخلقش
الخير بس
أو النور بس
د خلق لكل حاجه
التضاد بتاعها علشان نختار وفي نفس الوقت يبقي فيه اتزان